AI科技股集合 – 2020年4月24日

美國係世界科技股既中心。上次介紹過我用AI黎預測股票走勢做投資，今次講下美國科技股有乜主打AI項目。

雲計算(Cloud Computing)係科技創新既基本，好多人好有創意，但係10年前，佢地除左係大學或者大公司打工，唔係佢地跟本唔夠電腦資源去做科技創新。依家買一部好勁既電腦都唔平，但普通一個學生都可以用幾百蚊租用雲計算好強勁既電腦一個鐘做研究，而唔需要俾幾百萬去買。當然雲同樣提供普通電腦運算。所以創新會多左係個人或業餘層面發生。我之前做股票模型都係用Google Cloud。做雲計算既公司有Amazon, Microsoft, Google。Amazon最成熟最多客戶。Microsoft追得好快同本身產品結合得最好。Google比較少人用，但俾Amazon簡單一些。

以上既雲計算要用CPU，即係大腦。AMD已經追過左Intel好多。無論低價，中價，高價CPU都鸁晒。記憶體係美國就係Micron既天下，近期肺炎令到雲計算需求大升，記憶體遠期合約一路升唔停。資料儲存就係Seagate，都係必須產品。

到左AI既核心圖型運算GPU。Nvdia絕對領先。由於好多AI應用都用大量圖片，視頻，所以圖型運算好重要。大家可以睇下呢段片就應該明白我講咩。所以大家要學下點睇fake news。至於Tesla既電動車，除左圖型運算外，每一架係路上行緊既Tesla車每一分鐘既路面情況一路都係儲存左做一個越黎越好既駕使模型。所以時間黎耐Tesla係路面經驗既領先會越多。Google既Waymo就一路追緊。

到真係幫手做野既機械人就一定係Boston Dynamics，不過未上市。之前係Google，後來賣左俾SoftBank。佢地既技術令我唸起Robocop或者Terminator。科技用係戰爭依家已經夠晒技術，如果有D野心國玩呢樣野，分分鐘大鑊過肺炎，甚至令人類滅亡。

到左AI模型既平台，又係Google既Tensorflow。大部份AI既開發都係用Tensorflow。

智能聲音部份，Amazon既Alexa同Google既Echo已佔絕大部份市場份額。Apple未有耐入流。

所以大家睇Westworld既時候。我可以同你講真係有機會係不久將來發生。Google既Tensorflow可以篇一個觀眾鍾意既故事出黎。然後，Boston Dynamics整機械人去執行個劇本(當然暫時未見有公司整到好似真人既肉，唔知日本有冇呢?)。跟住用Alexa或者Echo同你傾計。再同遊戲玩家互動。

最後俾2張相大家睇，睇下大家分唔分到邊個係我用AI做既。