2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

Airbnb上市 – 2020年11月19日

cloud

Airbnb放風12月上市。受疫情影響生意大跌都係意料之內,反而要睇吓長遠前景係點。

疫情對短期住宿需求影響好大,但係當疫情減慢,人既旅行願望會出返晒黎。無論出國旅或本國旅遊都有住宿需求。

但係世界各地政府都收緊對AirBnB既監管。例如有地區唔俾做,有地區限日數,有地區只準house做,有地區要屋主同住等等。要求五花八門。只可以講做AirBnB賺大錢越嚟越難。

首先唔講偷窺狂,淨係要求地方乾淨或統一設備都唔係咁易。不過我自己通常揀評分高,睇comments,有問題可以問屋主,住過十幾廿次唔同地方都好滿意。

價錢方面,其實AirBnB同3星酒店價錢差唔多,有時仲貴啲。不過通常空間大啲同有煮食地方。對於唔煮飯既人,AirBnB唔一定吸引。

Airbnb另一賣點係文化交流,可以了解當地人生活。但由於AirBnB商業化左好多,依家好少會有乜文化交流,多數都係淨當住宿。好多時你連個屋主都唔會見到。

Airbnb未有疫情時都已經見到增長有問題,所以出luxury house同experience導遊服務。不過experience又係同有牌導遊爭飯食。而且由一個冇牌,冇監管既陌生人帶你去玩,唔係個個都接受到。而且收費一啲都唔平。反而luxury或一啲特別住宿,例如古堡,農場等,係有得做。

當然公司短線裁員25%對財政有幫助。如果疫情減慢,出年下半年有機會多返啲生意。Airbnb係冇選擇嘅情況之下上市,估值自然冇咁貴。朋友問我買唔買,我話除非真係好平,如果唔係平,依家應該有其他更好既選擇。