2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

Airbnb – 2020年8月14日

cloud

Airbnb今年比疫情攪到好唔掂,如果疫情前IPO起碼值500-600億美金,跟住疫情生意停晒再裁員,依家冇錢要集資淨返1/3都唔知有冇。半年時間由天堂走去地獄。

我自己一路都有用開Airbnb,大部份既體驗唔錯。有啲做到酒店咁冇乜特別,反而有一部分係當地人既屋主run同住埋同一間屋,對旅遊既人提供左體驗文化同交流既機會。仲有,會有好多特別住宿,如古堡,雪山別墅。呢啲係住酒店冇既體驗。

而Airbnb每次收10%租金真係唔差,特別係租金係旅遊其中最大既支出之一,一個7日既trip,租金既10%都起碼幾百蚊。旅遊業收入原本佔世界GDP 10.3%有US$8.9T。Airbnb原本絕對係一盤好既生意。

不過疫情後,就算有疫苗,大部分國家經濟元氣大傷,要人短期再使錢去旅行唔係咁易。不過我相信一段時間後會慢慢恢復,你叫香港人唔去日本比死更難受。因為當疫情停落黎,人始終要用下錢發洩下。到時睇下IPO會唔會大平賣或者上市公怖業績後大插就可以睇機會收集。