2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

迎接一個月 – 2020年10月20日

cloud

係英國生活其實比香港仲忙。朝早7點起身涮身,洗面,整早餐比亞女,整埋三文治比佢帶返學校做中午飯。然後一齊食完早餐就揸車送佢返學。未有車前行30分鐘,依家有車5分鐘。

送完佢返學就去超市買下食物,日用品。然後返屋企,有時整下傢俬,有時整下車,有時整下屋。食完中午,差唔多又接佢放學。跟住沖涼,之後又煮晚飯。夜晚就早啲瞓。

其實我自己都係好獨立既人,以前打工,成日週圍飛,一年有1/3時間唔係香港。去到啲落後地方,好多野都自己執生。但係外國長住,要執生既野仲多。

例如租屋,好多野啲管理公司做唔足,最後就自己做。跟住之前整爛左倒後鏡,整車又係買工具自己整。

到花園啲樹枝,原本管理公司有園丁,不過崔左成個月都冇影,又要食自己。煮飯就唔使講,煮煮下煮得好食過係英國叫既外賣。

所以其實外國住真係好好既training,乜都會學識。不過仲未慣既係英國既runabout,兩圈,三圈轉體720度,做暈過去遊樂場玩㗎啡杯。大家要係英國揸車時都要小心。

另外,英國住其實要比tv license一年百幾鎊,咁你就可以合法睇電視。最近買左三叔電視,本身已經有好多免費台,再加amazon prime又有一堆野睇,rakuten又有啲免費,再加virgin個internet包百幾個台,再加bbc同itv,電視多到睇唔晒。不過最重要係英國電視製作比香港好好多。特別係bbc,無論劇集,documentary ,真人show全部都製作認真。鍾意睇電視既人去到英國會好開心。

至於投資,Ark全部表現好強,其他科技股都係慢慢儲。個portfolio自己運轉得幾好。當然目前問題係揸太多現金。不過都唔會盲衝入市,慢慢睇,慢慢玩。