Amazon大跌開始 – 2022年4月29日

Amazon由供應鏈出問題後，上兩季業績已經好差。今季繼續差，大市跌，業績好既公司要跌，業績唔好既公司係暴跌。

Amazon計埋今季已經連續三季業績極差。上季用會計手法靠Rivian同其他投資勉強做到好似業績唔太差。但主業既網購一路都冇起息。今季終於受Rivian拖累，如果唔計Rivian，賺3.6B但市值1.5T，即係PE100以上，但係負增長。大把一路增長緊既公司PE10都冇。

咁岩連續3季差業績又係大概從換CEO開始。搵AWS亞頭接手Amazon本來都冇錯，但睇落佢做e commerce方面真係好弱。再加Covid，打仗，油價狂升，供應鏈問題。準備功夫做得好弱。反觀Walmart 等傳統公司應變力比Amazon更強。

再者用左Amazon咁耐，比人cut單，啲嘢一買就壞，客戶服務又差，除左AWS外，我個人唔睇好間公司。就算最強既AWS都似乎比Azure同Google cloud platform追緊。

今次暴風雨再加自己褲穿窿，股價最少應該要跌一半以上。