Amazon增長唔差,不過比市場預期差,股價大跌7%。
Facebook同Amazon係2間我比較唔鍾意既大型科技公司。Facebook增長,盈利各方面都冇問題,不過我覺得間公司好刻意引導人既思想,限制某方面既言論,長遠對世界有害無益。
至於Amazon,一路以黎係股價長期跑贏盈利增長。有其他科技公司比佢盈利增長得更快,業務更多元化,而市盈率更低。所以我一路都冇買Amazon。
不過其實今次另市場”失望”嘅業績其實唔係真係差。黎緊一年估大約賺80蚊,如果股價落到3200,市盈率40倍,咁就同其他大型科技股差唔多。
但個人認為網購利潤唔高,Amazon最賺錢既AWS雲端服務暫時都可以維持領先地位,但增長已經一路放慢。Amazon價值反而係睇佢哋有冇其他新服務。例如可唔可以確保無人商店唔會比人偷野之類。但新業務要成功要盈利都唔係短時間,暫時未見到有乜服務可以快速跑出。所以可能股價如果可以跌到2800左右先係比較合理既入貨價。
發佈留言
很抱歉,必須登入網站才能發佈留言。