Amazon, eBay, AliExpress 比較 – 2021年9月4日

要睇盤生意做成點，最好從顧客既角度去睇，之後先睇盤數，因為顧客服務都做唔好，長遠好難做。

係日本之前住過長時間，真係覺得全世界其他公司既服務係垃圾級。

印象最深有兩次，其中一次係日本買左一件1000日圓既t shirt，包到鬼死咁靚。有兩個staff送我出門口，一直鞠躬到我架車開走。係香港CHANEL買十萬八萬都冇咁既服務。

另一次有個日本business partner請食飯去打邊爐。全程有人跪係度幫你煮，真係服務好到嚇死人。

又講返正題Amazon, eBay, AliExpress 比較。正常服務唔講。講下出事之後既處理方法。 AliExpress用royal mail寄錯地址，比晒證據，唔退款，唔同royal mail要求賠償。

Amazon同個seller落左單，收晒錢，兩個星期後話cut單，Amazon話係scam，淨係退款，冇解釋，冇賠償。

eBay買野，seller過左一星期都唔發貨，同ebay投訴，2日seller冇覆，即刻退錢。

從問題處理上睇eBay好過Amazon好過AliExpress。當然最尾都係日本最好，不過日本政府無限期封關，首相又落台，真係唔知幾時先再可以去日本。同埋好多好既日本公司可能下次去既時候已經執左笠。