mid age crisis

Amazon中年危機? – 2020年5月1日

剛剛出既Amazon業績嚇親好多人,我自己都覺得比想像中差,但未至於覺得好出奇。因為種種因素睇,Amazon既問題的確比其他同業多,係天下太平既日子唔覺,但一有風暴時就顯得特別脆弱。

首先,我自己盡量都會避開高PE股。高PE既原因大部份係公司增長好快,或者投資者對前景睇得好好。的確有唔少公司都可以做到高增長,但當一D意想不到既事情發生既時候,高增長維持唔到,股價每次都係暴跌收場。試問去到成一萬二千幾億既公司,你仲expect年年有30%增長會唔會有D不設實際?另一個原因就係好多時投資者既期望轉得好快,今年捧上天,出年落地獄,PE都會從太空直插地底。如果你從地面出發,起碼避免左由太空跌落嚟既疼楚。

再睇下Microsoft Azure同Amazon AWS既雲計算。雖然Amazon領先左好耐,但Microsoft一直食緊Amazon個餅,而且越食越多。Microsoft既Sales,Support, Marketing一直都贏Amazon好多。作為Microsoft既公司客戶,你會覺得Microsoft無論高,中,低層,甚至Partner都對你有太多既attention,包括events, roadmap, product introduction, free trial, executive meeting等等。印像最深係成班IT狗年年去Tech-days攞印仔,排隊換souvenir。相反AWS就好self-service,有乜自己上網睇,間唔中攬下technical workshop,不過大部份既decision marker都唔會去。我自己睇個product係AWS好過Azure,但成個產業鏈同配套,Microsoft強好多。美國國防部用Azure都係某程度定左Azure係未來雲既standard。睇埋業績高下立分。

又講返Amazon既另一主業網購。舊年Amazon開始香港免運費,我自己都買多左好多。但自從3月左右,無端端停左免運費,好多貨開始唔寄香港,有少量可以寄既都講明唔知delay幾多。又問返基本問題,網購最重要既能力係乜?兩個字,物流。物流做唔好,公司即刻唔使做。當然疫情影響物流係全世界問題,但你要做世界第一,你就要有解決問題既能力。點解HKTV Mall,淘寶,Aliexpress甚至好多其他網店都做得好物流,世界第一既Amazon做唔到?管理層絕對要負責,好多時非常時期既公司deliver到會加好多分,相反deliver唔到,又咁長時間都解決唔到問題,顧客都會揀過其他公司取代佢。大家遲D可以睇埋Walmart既業績,咁會更清楚係美國本土Amazon同Walmart既物流能力比較。

另一個原因係Trump同Amazon既不和已經全世界都知。我自己冇立場邊個岩邊個唔岩。但係如果你係Amazon股東,你會覺得一間美國公司同美國總統反晒面對你係公司既利益有影響嗎?公司管理層就算唔同意總統做法,係唔係可以唔好用公司身份低調D反對,或者為公司長遠發展而盡快去修復同總統既關係呢?

去返基本財務,一間一萬二千幾億既公司,原本一年賺120億,依家變左下一季可能蝕15億,以後點都唔知。Current Asset得860億左右Current Debt800億左右。肺炎過後(應該好快完),Amazon會穩定返。但疫情都好明顯突顯公司弱點,投資者期望過高,管理層失職,財務上同Google, Microsoft既嚴重差距。


已發佈

分類:

作者:

標籤:

留言

發佈留言