2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

熱血經濟學1000倍回報 – 2020年9月1日

上左年紀既朋友好多都睇過龍珠,足球小將,聖鬥士或者美少女戰士。全部都係熱血卡通。講點樣逆境自強。好多時呢啲概念對細路仔影響深遠。

最近一路忙緊移民,除左香港股票一早清倉,香港物業一路賣緊。執野時見到有好多細路仔時儲既閃卡,有龍珠,聖鬥士,高達同好多其他唔同既卡有成幾百張,閃既都有幾十張。完本唸住放上網賣,點知跟住引起搶購潮。跟住自己再去日本網站睇,以前$1既卡已經升到超過$1000。仲有幾張連日本都冇得賣。

童年回憶用大約30年升左1000倍。仲勁過港樓。唸起細個時,成班同學放學就去大丸抽卡。然之後買零食一齊去維園食。一路欣賞啲卡,一路玩捉,有時幾個人係樹下各據一方扮世界元首開會。

比起依家細路放學唔係比怪獸家長迫讀書或者對住手機,以前既童年生活的確簡單得多同愉快得多。

至於升左超過1000倍既意外投資應唔應該賣出?我就唸除左童年回憶之外,嗰份熱血,面對困難勇往直前既勇氣,對我黎講係無價。有啲野係唔應該斷捨離。投資亦一樣,好既投資就好似閃卡,唔應該放手,時間就係你最好既朋友。任何野都可以輸,信心唔可以輸。係唔同地方,唔同年齡,唔同性別,打家都要繼續越戰越強打贏呢場逆境波。