末日先兆?- 2022年7月22日

有好多事情發生緊,將所有事件聯合黎睇突然睇到一幅好恐怖既畫面。

首先爛尾樓風暴,某國斷供潮如果係堅料,銀行,政府,業主,發展商,供應商,仲有其他相關產業會全部都出事。某國主要靠地產炒賣建國。今次巨浪就算搵最強人馬出山都未必救到,何況依家唔覺得有人想解決問題。反而睇落似有幕後黑手想攪大件事。

某國出事,香港以至全世界都會受唔同程度影響。錢會快速流走。加息無可避免。即係似97金融風暴加日本失落30年既原因好似。當以上問題出現時,資金突然消失,對手風險,世界信心崩潰,又會似雷曼級既風暴。萬一俄烏戰爭繼續或有新戰事,又加多次73年石油危機既風暴。未講covid同猴荳。最壞情況係所有以往金融危機加埋,殺傷力唔係1+1=2,會係幾何級數上升。

岩岩講係部分大環境既情況。又睇下其他唔同既線索。匯瘋銀行賣港一早係人都知。不過岩岩明正言順成立黨部,意義非同小可。代表效忠黨,受黨控制。

另一線索係,今日登入個app出左以下畫面,點解要特別出份野?大家自己唸下。將來用銀行可能都要翻牆,WTF。以上事件又似乎同某國銀行封銀行脹戶同政府唔俾國民惡意提款前後呼應。睇吓幾時有條新法例呼吸有罪。

又再睇下近日美國將香港升到旅遊級別第4級。升到同北韓睇齊,叫國民千祈唔好去同即刻走人。美國國務院唔係細路仔玩泥沙,出得警告一定有野發生左或發生緊。Pelosi要去台灣都俾美國軍方提醒話太危險叫佢取消行程。當世界政要可以打仗其間去烏克蘭,但美國軍方叫Pelosi唔好去台灣,即係台灣比戰爭期既烏克蘭仲危險?

再睇AT&T財報,話美國人開始拖欠電話費。通常人未窮到窿都唔會唔交電話費。飯可以唔食,但大家可以冇電話又生存到嗎?唔交電話費代表有部分客仔真係好窮,有理由相信飯都冇錢食。另外美國新批按揭比率都係20年新低。一來係利息貴,二來都係銀行收水前奏。所以經濟問題係世界問題。只係受沖擊程度唔同。

以上既線索係我睇到既1/10都唔夠。好多野發生得太快,太廣泛。永遠作最壞打算保命保平安。未走既兄弟姊妹盡快走。先走錢,再盡快走人。走資連結教學


已發佈

分類:

作者:

標籤:

留言

發佈留言