2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

銀行股反彈? – 2020年6月26日

Money Transfer

銀行股有兩百幾年歷史以上,不過近年股價長期跑輸大市。除左fintech既挑戰之外,仲要面臨更加嚴格監管,各項業務都睇唔到有乜前景。

首先,零售銀行,其實越嚟越少人鍾意去分行排隊,或者係度等成個鐘都唔通既hotline。Virtual bank真係好方便,全部野係隻App度攪得掂。好多功能都好低收費,甚至乎免費。最緊要快,一年慳左好多時間。換外幣超平。用隻App夾埋Apple pay或其他電子支付用,安全又方便。如果做生意既朋友仲會見到隻App好方便咁幫你做埋accounting將收入同支出分類做reporting。

至於投資brokers(如IB,Charles Schwab等)亦都同virtual bank夾得好好。唔使再係傳統銀行等load極都load唔到既page。更加唔使存倉費,好低甚至係免俑金。投資產品多元化,債券,ETF,股票乜都有。可以自己整API自動去做trade。

又例如有錢人攞幾球美金去開private bank,個借錢rate分分鐘差過IB。買bonds全部要US200k以上。報價下下都打電話,開個spread大到亞媽都唔認得。

如果要做生意,可以用Square POS或者Stripe做payment gateway。收錢簡單方便。半日就攪掂。唔使去銀行半年都開唔到個公司戶口。又唔使煩去申請做credit card payment。

再睇Investment Bank既炒房,有幾多間堅有料可以長期跑贏大市?好多時都係暗中做灰色野搵錢。不過華爾街開始有啲失勢。當大部分野做得太出面,結果一定好悲慘。美國人唔做開奴隸,真係會有人揸槍出黎同你死過。新一代國會議員都似模似樣,要壓制華爾街,有乜差錯罰錢走唔甩,分分鐘刑事起訴。當然,都仲有好多政府中人為錢賣命,不過世界潮流係冇人可以阻止。

跟住又睇下公司借貸,經濟唔好,借貸風險高,息差咁細,唔知點圍皮。房貸,學生貸,車貸,私人貸款都差唔多。要預壞脹會勁升。

成個大環境已經成型,銀行股冇晒競爭力,跟住會係由科網類嘅fintech公司取而代之。只有識轉身既銀行可以生存到,其他中,小型銀行會執笠或被收購。以後有機會會講多啲fintech股。