火燒連環船 – 2022年6月11日

之前講過今年投資極難賺錢，輸少當贏，但通脹10%，就算你係天才一毫子都冇輸，都已經輸10%通脹。

美國通脹爆煲，但通脹主因係打仗，供應鏈等問題，加息加到10%通脹都唔會跌。反而極力增加供應，停戰，通脹自然跌。

但聯儲局繼續加息，消費差，成本高，借貸利息高甚至銀行收水，最後連環爆。

暫時比較大隻又未暴跌既股票係Microsoft l同Tesla。Microsoft多數人揸長線，風險低啲。但Tesla上海封城，供應鏈同需求都開始會有問題，大跌差唔多係必然。

Tesla好多人瞓身同一注獨贏，會輸死好多人，火燒連環船下，其他股票會一齊爆。萬一如果強國又發明新病毒或帶頭又大仗。咁我哋可能會經歷有歷史以黎最大跌市。