科技股暴跌 – 2021年2月23日

科技股由Tesla帶頭暴跌8%,Ark都平均跌5%以上。上星期買既貨全部坐艇。講吓今個星期既策略。

其實舊年開始一路減低傳統股票既比重,同時增加科技股。不過佔組合大約一半都仲係傳統股票,一來股價太殘,實在價值唔應該咁平,所以有啲未賣。另一方面都加左啲傳統股票。不過Ark同Tesla比重唔細,跌起上嚟都食得好應。

今日做左一堆行動減低風險,將組合非重心既科技股賣左。因為買股票時通常都係第一次少注,一路觀察同研究,覺得好先會加注。有一堆買左一段時間都冇加注既股票,其實代表信心唔大,除非揸十年以上,唔係數目唔大又分散,所以都係賣左先。遲啲再跌到好平時再考慮買唔買返。

核心既科技股上星期買左一注,又再沽左低價put,暫時按兵不動,除非再跌多兩成先再加注。

非核心股票既put options close晒contracts。唔再開新contracts。

傳統股升得幾好,不過科技股跌太多,升左都補唔返。不過傳統股票都仲好平。如果傳統股票繼續升或科技股再大跌,就會考慮將淨返既傳統股票轉去科技股。

不過今次跌市比較舊年三月都唔算勁,當時由高位跌到低位真係跌左一間樓,最後幾個月又升返突。所以股票都係要睇長線。當你睇返十年,廿年,三十年張圖,只要揀啱股票都係一條線上。依家最緊要係紀律,跌左分段買,然後揸實。


已發佈

分類:

作者:

標籤:

留言

發佈留言