2021 年 5 月 12 日

美股投資頻道

#投資 #美股 #債券 #REITs #期權 #物業 #優先股

BNO封關在即,如何自保 – 2021年5月3號

explode

無厘頭之下又通過左出入境條例,雖然已經冇人信法律,執法者或法庭,但香港人又進一步可以被無條件限制出入境自由。如果仲未醒既,希望淨返3個月唔夠既時間你仲可以作出明智嘅選擇。

從最務實既角度出發,3個月唔夠既時間可以做啲乜嘢。第一搬錢走,可以用IB,換左錢去到英國可開銀行戶口再轉錢去英國。因為Monzo已經唔可以係香港開戶,所以錢係要到左英國可開埋英國銀行戶口先匯到過去,時間會比較長。另一個快啲既方法係開Transferwise,錢可以即走,當然你到左英國再將Transferwise既錢轉返去英國既major banks就最安全。趕唔切就可以淨開戶口轉錢走,到左英國有地址再攞返debit card。快手既幾日就攪掂。Major banks當中,Barclays同HSBC係垃圾唔使幫襯,我自己用緊Lloyds上網開戶,只要BNO加地址證明就開到,勁快勁方便。RBS我未用過,如果有朋友用過,歡迎留言講下用後感。

至於人方面,用LOTR入左英國境先申請BNO visa。

照肺照得切就照,照唔切走左先。

香港有Biontech可以打埋。如果唔係到左英國即刻注冊NHS,40歲以上依家一注册就叫你去打。多數打Astrazeneca。

工作方面,同老細傾Work from home咁你去到英國都可以繼續做。咁就慳返通知期。

MPF有秘技可以攞,不過唔公開啦,有需要就留言時留email,我會答返你。

賣樓賣到就賣,賣唔到加按再出租減價風險,當然最理想係賣樓。如果有屋企人係香港唔走,你又信得過,就可以俾2-3千蚊去律師樓做授權信,咁你唔係香港都有人可以幫你賣樓。

寵物聽聞依家機位極之緊張,可能都係搵朋友代為照顧,有機位再飛。

行李除個人物品,證書,重要文件多,其他全部送比人或賣晒。

如果你跟足以上計劃,順利既其實一個月內應該可以出發。

最後一句,雖然封關唔一定發生,但當一個有錢佬同一個賊住埋同一間屋。個賊同有錢佬講話佢要搵支槍返黎保證有錢佬安全,叫有錢佬相信佢。有錢佬應該信個賊安心留返係間屋,定襯個賊未搵到槍之前盡快走人呢?每個人心中都有答案。

5 3 votes
Article Rating
3
0
Would love your thoughts, please comment.x
()
x