2021 年 9 月 19 日

美股投資頻道

#投資 #美股 #債券 #REITs #期權 #物業 #優先股

BNO更新方案 – 2020年7月2日

mist

BNO加碼去到5年,基本上包晒全部直系親屬。同我之前既預測一樣,係漸進式加碼,黎緊英國國會同其他國家都好大機會一路加碼。加碼原因好簡單,因為西方睇完條例同整個形勢覺得唔對路。

再講白少少,如果好地地你見到一個人,你唔會無端端比架救生艇佢。你比得救生艇佢,代表你覺得佢好快溺死。當然係水裡面既係你自己,有人覺得自己游水好叻,有人覺得游水好好玩,有人覺得冇咁快溺死,有人覺得唔使救生艇都上到岸。當然最後結果依家冇人知。但牌面上CIA,MI6睇到既野應該比我地一般人多。而佢哋offer lifeboat係佢哋informed decision既結果。所以無論你走定唔走,其實冇嘢值得開心。

仲有唔好做一啲令自己生命有危險既事。為香港貢獻有好多方法,年青人係世界既未來,請保護好自己同家人既生命。

無論點都好,盡量分散風險。要準備任何可能發生既情況。一年前冇人唸過全世界停頓,但最尾都發生左而且可能繼續,2020年應該係近100年黎世界最混亂既一年。依家淨係7月,黎緊幾個月係同時間競賽,將會發生既事係有可能比電影更恐怖。