money

BNO走資離岸戶口虛擬銀行證券戶口秘技更新 – 2020年12月15日

之前介紹過既走資渠道包括MonzoTransferwise,Starling,RevolutIB, Charles SchwabFirstrade。今次做啲更新講下最近情況點。

Monzo,介紹時可用BNO加英國PO box開,依家已經開唔到。當然如果你有親戚朋友有英國地址係仲有機會開到。雖然傳聞話間公司財政唔太掂,不過有英國政府保障,我唔係太擔心。

Transferwise Borderless依家應該係方便比香港人開到既戶口,又有debit card同都算平既匯價,多貨幣直接簽卡,香港戶口入錢夠晒方便,收debit card 3個星期左右。缺點冇英國政府存款保障,不過佢自稱存款有保障,我唔係太信。不過要用錢時先入錢,唔好入太多錢,當八達通用,風險唔高。按連結開戶匯款免費(有限額),匯率算靚。應該係以上唯一未去英國就可以攞到英國debit card既戶口。

Starting 一定要有英國地址證明,我未去英國前用英國Transferwise封開戶信都唔收貨。最後到左英國用council信先開到戶口。不過建議大家到左英國都開返個,一來有政府保障,二來有歐元戶口,三來有類似附屬咭功能既space,我最近都開左張咭俾亞女當零用錢。仲要免費,算係咁。

Revolut個app唔知邊個天才寫既,係香港攪極都可唔到戶口,用晒英國地址加vpn都唔得。一到左英國開又冇事,好怪。都幾多項目要收費。仲要冇政府保障。暫時唔覺佢有乜特別強項。

IB香港開戶當然冇問題,用嚟換錢同借錢宇宙最強。不過香港分公司我有戒心。但係我未去英國前問過佢哋,佢哋話可以成個戶口transfer去英國IB。不過由於稅務問題,所以我應該下個稅務年度先轉。

Charles Schwab其實冇IB咁好,不過始終係美國公司,買個安心。記住係開international account唔好開香港版。暫時仲可到戶口。

Firstrade有美金debit card,申請左,但未詳細試。如果鍾意中文服務,可以考慮。暫時仲可到戶口。

另外,測試開Citi bank張debit card係英國用係有少少問題,而且收費貴。當然你用黎存錢冇問題,記得揀離岸。

唔好問我開唔開得HSBC離岸,大家應該知我點答。唯一原因係你依家要走,冇時間,而你又淨係有HSBC離岸。咁我會建議到左英國即刻開過第個戶口轉晒啲錢走。

其他RBS,Barclays離岸戶口等等有一定資金要求,開戶時間長。趕住走難既唔好唸呢啲。去到英國先開。

大家走資開戶有乜經驗同消息盡量留言update下有需要既人,幫得一個就一個。


已發佈

分類:

作者:

留言

在〈BNO走資離岸戶口虛擬銀行證券戶口秘技更新 – 2020年12月15日〉中有 5 則留言

  1. 「Chichilla」的個人頭像

    請教請教,starling 未開到,不過睇落真係好介紹。 如果要時不時調幾隻貨幣去美加香港/IB,starling方便嗎? citi hk 有樣好無敵係 priority 戶口免swift 費用,不過英國好似只做gold account.. 實在無咁多周到擺 。

    1. 「投資者」的個人頭像
      投資者

      Starling用英鎊同歐元,轉去IB可以轉換其他貨幣,例如港幣再out去香港戶口。要最多貨幣係transferwise borderless account。不過做駁腳可以,唔適合長期放大錢,因為冇政府既存款保障計劃。

  2. 「Raymond」的個人頭像
    Raymond

    佢哋話可以成個戶口transfer去英國IB。不過由於稅務問題,所以我應該下個稅務年度先轉。

    可否講多d?如果今稅務年度轉可能要交今稅務年度 profit capital gain tax?

    1. 「投資者」的個人頭像
      投資者

      其實每個人既稅務情況有唔同。我今年賣左好多野,雖然我揀non U.K. domicile用remittance base唔將錢轉去英國就唔使交稅。但如果計英國既稅務居民,佢地有automatic test, tie test可以做,我可以做到今個稅務年度連稅務居民都唔係。咁我係出年4月5號前所有野賣晒,再係4月6號之後買返。咁我可以reset晒之前賺到既capital gain做零(條件係你今個稅務年度唔係稅務居民)。咁我下年年度前調錢去英國。下個年度再睇住capital gain條數睇下用remittance base抵唔抵。因為下個年度,我可以賣少少股票,個capital gain細左,咁我可以唔用remittance base都得。

發佈留言