2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

BNO最新分析 – 2020年6月4日

ridiculous

係網上見到好多人對BNO有錯誤理解,所以今日講下BNO。

如果讀者係40歲以上既香港人,應該對BNO有基本認識。1842年,清朝係鴉片戰爭中比英國打敗,清朝同英國簽訂南京條約。清朝將香港島永久割讓比英國。

…the Island of Hongkong, to be possessed in perpetuity by Her Britannic Majesty, Her Heirs and Successors, and to be governed by such Laws and Regulations as Her Majesty the Queen of Great Britain, etc., shall see fit to direct.

1860年清朝同英國簽訂北京條約九龍半島界限街以南永久割讓英國。

1897年清朝同英國簽訂《展拓香港界址專條》。從1898年7月1日起租借九龍半島界限街以北、深圳河以南的地方及附近二百多個離島,也包括整片大鵬灣和深圳灣水域比英國,為期99年到1997年終結。

由於租期差唔多完結,1984年英國同中華人民共和國簽訂中英聯合聲明除左將原本歸還界限街以北,深圳河以南既部分歸還,仲主動放棄界限街以南同香港島既統治權。原本條約簽訂方清朝已經滅亡,中華人民共和國係唔係合理承繼者每個人都有唔同睇法。至於界限街以南既土地,用現代民主概念去睇,應該係香港人自己公投決定香港既去向。好可惜,係呢個決定上,當年香港人冇份參與。

至於基本法就係1997年後中國統治香港既法理依據。基本法有英國,中華人民共和國同香港人參與,當然呢少數香港人係冇經過民意授權,包括邊個去寫同條文內容。

中英聯合聲明後幾年,有一些事情發生,令香港人驚覺1997年之後生活可能發生既改變。所以之後英國俾左居英權比部分香港人,同時簽發BNO俾所有1997年前出生既香港人,BNO係一個國籍包括英國領士保護權,唔係單純旅行證件,但係取消左BNO可以在英國居住既權利。目的係想令香港人安心,同埋為日後可能出現既問題留下伏筆。

點解以上背景同BNO平權有關?英國對香港既責任係乜?

  1. 我用一個故事可能大家容易啲明。等於大雄同技安借錢,但係技安比亞福殺死左。大雄正常應該還錢比技安既仔女,老婆或承繼人。但點知大雄境然走去還錢比殺死技安既亞福。
  2. 大雄除左還錯錢外,仲主動比多左錢。而且還多左既錢係靜兒既。係冇問過靜兒既情況下,將靜兒既錢比多左亞福。
  3. 多年後,亞福話當年技安其實仲有好多錢未還。依家亞福搵靜兒收數,仲要迫靜兒賣身還錢。

睇完個故仔希望大家明白成件事有幾荒謬。大雄當年既錯造成今日既問題,佢依家出黎話收留靜兒同想保護佢,靜兒被亞福威脅下,係接受大雄既保護?定係搵叮噹救佢?定係自己獨自面對亞福?