香港樓市 – 2022年8月15日

雖然我自己係香港樓市清晒貨。但屋企人仲有香港樓。

早幾年樓價高時，有發展商出價30000蚊呎想收購屋企人銅鑼灣既物業。同時間出價10億買地鋪連1-2樓商用物業。出價比當時市價都差唔多高50%。

可惜地鋪業主唔賣，最後連樓上小業主都收購唔成。最後個地鋪業主一年前開價7億求售，最後都賣唔成。

直到近日，屋宇處繼續四圍搵舊樓話僭建要釘契。大廈亦由30000蚊呎減到16000蚊呎都賣唔出。

雖然幾年前一直有叫家人賣樓，但佢哋都係唔想賣。自己睇得淡，佢哋睇好，邊個睇得岩都好，最後俾屋宇處搵上門釘契再叫你90日內清拆都係麻煩事。