2021 年 9 月 19 日

美股投資頻道

#投資 #美股 #債券 #REITs #期權 #物業 #優先股

衝擊國會 – 2021年1月7日

Us

國會確認選舉人票,有人衝擊國會,跟住電視,社交網站全部不加思考第一時間要求總統交出權力。嘩,個劇本點解同香港一模一樣既?

係幾十萬或上百萬人既集會要攪事其實十幾廿人就夠,只要點著火頭,開1,2槍,殺1,2個人,然後成班人著左火你就可以返屋企食花生。

正如香港都係,見你幾百萬人出黎都咁和平,地下垃圾都冇件,咁未搵人出黎放下火,燒下垃圾桶囉。仲唔得,搵人扮差佬毒打你一輪,乜人都有火啦。跟住乜人都著晒火,之後就冇野要做,等你自爆。

邊個搵人攪事,唸都唸到,劃公仔唔劃出腸。對美國既影響係點?主要睇美國人有冇智慧睇得出有人特登攪事。如果入晒Trump數,咁世界既民主末日。大家走難去邊都冇用。呢個可能性好高。以後係全世界任何地方都要被迫繼續做港豬。投資市場反而好穩定,全部繼續黑金政治。

雖然機會唔大,但如果美國人同香港人一樣堅持落去,將唔合理嘅事情查到水落石出,面對唔公義既事情揸槍反抗。咁個世界仲有一線保持自由民主既希望。但過程一定血腥,投資市場亂晒。