banks

撈底技術 – 2021年12月15日

成日都有股票大跌,但點先為之好既撈底技術呢?

100蚊買匯豐,90蚊買匯豐,80蚊買匯豐,70蚊買匯豐,60蚊買匯豐,50蚊買匯豐,40蚊買匯豐,越撈越輸。雖然策略上平均成本法係冇錯,但錯左對象都係長買長輸。當然冇人知匯豐會唔會有一日上返100蚊,但似乎30-40蚊甚至更低既股價機會仲大。

咁平均成本法,又或者要撈底時點增加贏面呢?首先要睇PE,增長幾快都假,世界上冇生意係必賺,增長快冇盈利既公司如果要投資時點都唔可以買太多。買少少,到方向明確左先再決定加唔加注。咁可以避免好多輸大錢機會。例如Peloton舊年升到顛,係人都淨睇增長唔睇盈利,結果係點唔使我多講。亂咁撈底同自殺冇分別。

又有啲公司盈利好,但冇增長甚至負增長。咁都常都睇下資產值唔值錢,會唔會多過市值。或者真係極平,又冇負債,就算負增長幾年個現金流已經超越股價。咁都可以撈底買。

至於最正撈底既股票係盈利高(PE低),增長快,現金流高,負債低,資產高。如果仲係有壟斷性質生意,唔受外來經濟影響,容易不停增加生產而成本唔升得多,咁就最正。要搵真係唔易,如果大家有乜心水請留言分享下。我最近撈得比較多既係ASO。Google都一路睇實,不過未有真係好大跌。


已發佈

分類:

作者:

標籤:

留言

發佈留言