pets

心肝寶貝 – 2020年8月25日

寵物係人類最好嘅朋友,世界大部分已發展國家既出生率持續下降,相反養寵物嘅人越嚟越多,寵物係現代人既親生仔女,在動物身上嘅支出好多時比人仲多。

係以上嘅大環境下,寵物嘅衣食住行需求越嚟越大。有時去睇吓寵物嘅餐單,有魚,有雞,有菜,有羊,有骨頭,每類再細分幾十款以上。價錢當然比人食罐頭貴啦。衫仔又有裇衫,冷衫,風褸等等。玩具就唔使講一定要多。如果你係有公德心嘅人,一定知道邊隻屎袋用黎執屎最好。有時又要幫寵物扮靚,去做下美容。萬一主人要去旅行,仲有酒店比寵物住。

係股票市場上,都有幾隻寵物股,其中一隻睇好既係Chewy。要講Chewy,先由一個故事開始。有一個人養左隻狗,佢係Chewy定期訂狗糧,好不幸隻狗仔死左,於是個男人搵Chewy問可口可以退貨。Chewy即刻就退左錢比個男人,叫佢可以將狗糧送俾朋友,仲send左張慰問卡比佢。當然我無辦法查到以上既故事真定假,但如果係真嘅,我覺得作為顧客一定會好感動,有機會會同朋友講同埋繼續幫襯。

睇返隻股票,一年sales大約70億美金,年增長率50%左右,剛剛到5月3號止既EBITDA季度業績賺350萬,但有4200萬options俾員工。2019年世界寵物市場750億美金。到2025年大約1000億美金。保守估計Chewy到時大約有100億美金Sales。Cost of good大約77億美金。Operting Expenses大約20億美金。賺3億左右。

雖然間公司係唔錯,但依家220億估值太貴。遲啲再睇睇。


已發佈

分類:

作者:

標籤:

留言

發佈留言