Coinbase點睇？ – 2021年4月16日

今個星期coinbase上市，全城觸目，$250爆左上$430蚊後就落返$330慢慢磨。

Coinbase同Binance係最大既crypto交易所。我兩間都有用，coinbase簡單易用，Binance較適合專業投資者多啲。買，賣，轉帳都有收費，其實真係無本生利。

Crypto其實只要人人都話佢有價值就有價值。而交易所包晒大部分主要既crypto所以風險比較細。收交易費就睇crypto價格，越高就收越多。

今年第一季純利8億已經比舊年全年3億多。假設crypto好似依家趨勢發展，一年純利大約40-50億都正路。對比600億市值真係算抵買。

當然crypto係割世界政府同銀行既韭菜。原本係銀行既錢如果去晒crypto仲點管，點收稅。所以加大監管crypto都好正路。只不過人都係唔想比政府同銀行管先去crypto，如果最後又被管，咁又同以前有乜分別？

所以風險一定有，只不過比直接買crypto細。回報都唔一定咁高。不過如果你信crypto長做長有，咁的確係唔錯既投資。