2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

風險管理 – 2020年6月30日

banks

認識好多中產朋友,同佢哋傾計時發現香港真係好多人風險管理意識好弱。

例如,買股票淨係會買香港股票,問佢買乜股票,起碼有一半答話買匯豐,跟住我問跌左咁多仲買,跟住佢哋答遲啲會升返。跟住我問如果唔升點算,佢地答當收息囉。跟住我問唔派息啦喎,佢哋答係囉真係衰。跟住我問又唔派息,又唔一定升,點解唔買其他,跟住佢哋答依家跌咁多,都當writeoff左。我問其實有好多其他野可以投資,跟住佢哋就話唔識咁多,同埋話我睇香港睇得太淡。

又到左一班有PB既朋友,問佢地近排買乜,有一半話買內房債。我話好似有啲搏喎,跟住佢哋話高息,仲有槓桿收息好和味。我話債重唔一定有錢還,跟住佢哋話唔驚亞爺會頂住個市。

又到一班揸重香港樓既朋友,問有冇打算賣樓,跟住答話賣左買唔返。我問回報咁低,放租又難左,跟住佢哋答賣左既錢都唔知投資去邊。

當然以上所有人既睇法我都唔認同,有時做朋友如果我提醒左,但佢哋堅持,我都唔會再講太多。好多香港人仲生活係以前既夢境,仲未醒覺,就算佢哋唔認同我嘅睇法,但係風險管理就係無論發生任何情況,你都可以將損失減低。但我覺得好多香港人既準備程度極之有限。平均只有1/10我識既人有開離岸戶口,投資美股或者用其他方法分散風險,絕大部份人差唔多全部資產仲係香港同港元資產。個結局係點,半年內一定好清楚,我希望我估既情況全部都唔會發生。