sea

香港人嘅缺陷 – 2020年12月7日

一路都叫人唔好買要賣晒匯豐股票,錢要存係離岸戶口,帶小朋友去外國讀書,盡快撤退。不過真係做既人少之又少。

大部分人心存僥倖,覺得冇咁易有事,自己又唔係議員唔會攪我,開離岸戶口好麻煩,去外國唔一定入到名校,打工收入低左,稅好重。一連串問題令香港人行動緩慢。

有部分擔心既事的確存在,但你乜都唔做,繼續留係香港,萬一賭輸左,你將會一無所有,包括條命。70年前好多上海人賭輸左一鋪勁,命都冇。睇返近期啲,強如馬暈,一覺醒來變左亞里媽媽,螞蟻今伏。香港人仲要賭多鋪?李加乘咁有錢都唔賭,你賭?醒下啦。

另一部分人就唸住係香港搵多幾年錢,有時間等疫情完左再算,又或者買左樓或搵到名校先走。大家唸住係遊山玩水,唔知有冇人明咩係水浸眼眉。鐵達尼沉船都仲要係架船影吓相,post上IG呃like咩,正路係第一時間走,唔應該有任何延遲。係要等到最後一分鐘人踩人?

如果都仲未明我講乜,可以睇下點解全世界都俾lifeboat香港。我講左好多次,lifeboat係代表全世界都覺得香港人就快浸死,必須要lifeboat。始終依家有人俾lifeboat你,上左岸先一定冇事,睇多幾年鐵達尼冇沉到時再睇下返唔返上船囉。如果香港人仲覺得自己冇事,搵多幾年錢再算,或者睇下邊隻lifeboat靚啲先上船,我唯有祝佢哋真係賭贏。最後四個字,時間無多。


已發佈

分類:

作者:

標籤:

留言

發佈留言