2021 年 9 月 19 日

美股投資頻道

#投資 #美股 #債券 #REITs #期權 #物業 #優先股

IB港幣對沖(終極保命) – 2020年6月22日

money

本來香港用聯繫匯率真係冇乜需要做對沖,但係今時今日世界變幻莫測,冇一個人可以答到你港幣沖係唔係安全。

Byle開口講賭港幣到出年會跌40%以上,即係佢睇聯繫匯率會收皮。我唔知佢會唔會贏。但係一個走資既大環境下,大家可能賣緊樓,賣緊其他資產,好多時錢未必即刻到同俾你走。例如賣樓起碼都要等2,3個月成交先收到錢啦。當然你希望買家頂到呢幾個月唔好有咩事。但唸下,如果3個月後你收到錢,但已經冇左聯繫匯率。到時你換美金幾錢?換唔換到美金?美金出唔出到境?

有一個短暫止咳方法,假如你有IB戶口,有啲股票係裡面。你可以用港幣買美金或英鎊跟住即刻轉錢走。咁代表你已經lock左今日既匯率,錢安全出左境。到3個月後,你有港幣時存返入IB平返港幣既倉。到時侯個匯率係點,換唔換到美金,或出唔出到境都唔關你時。

同樣道理,如果你唔係賣樓,你淨係估港幣大跌,到真正脫離聯繫匯率之日,你平返港幣既倉,咁做代表你做直接賺左港幣既跌幅。

大家要留意用呢個方法時,要有股票放係戶口(可以美股或任何資產),要俾大約2.X%利息,同埋一冇聯繫匯率既時侯,香港政府有機會突然加息夾返港幣(即係你負緊港幣條數會俾多啲利息)。當然有唔對路既情況下,大家可以即刻平返港幣,借其他貨幣。都係同一句,做咩之前,研究多啲,知道自己做緊乜先好做。