2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

白色恐怖 – 2021年1月8日

Us

美國國會極速宣布拜登做總統,一如所料,股票繼續升。

不過點解個劇本又同香港一樣,Trump被所有社交媒體封鎖,再極速成班人出嚟話淨返十幾日都彈劾佢。跟住要求調查選舉舞弊既6個參議員都有大量5毛扮選民叫佢哋落台。至於被射殺死左既空軍班BLM又冇晒影。

Censorship同宇宙腳安法變左強國第5大發明,終於劃時代咁去到美國民主發源地都玩呢套,問題係媒體清一色又覺得冇問題。又話總統出條tweet都影響國家安全要炒魷魚。其實同大家係條街揸張白紙都變顛覆國家差唔多。

到左參議員原本十幾人話要查選舉舞弊,最尾成班縮,得返6個頂住。民主選舉真正核心係公平公正,概然咁多證據,未大家攞出黎去法庭睇囉。查都唔查就話冇問題,媒體又唔報道,連提出話要查既人都被成班顛佬追殺話要佢哋落台?劇本膠過CCTVB啲膠劇。連唔想懷疑既都會懷疑。

到死左既空軍,開槍既人叫佢放假就算,嘩咁未即係美國又變埋香港。正常都要拘捕審訊啦。之前用假銀紙既George死左,幾十萬流民放火燒左幾個月,搶劫店舖,民主黨當左佢係神咁跪拜。殺人既警察被判謀殺都收唔到科。今次冇武器既空軍死左,主流媒體變咗話佢抵死,由black lifes matter變成no life’s matter。又係同香港一樣double standard。會唔會遲啲又好多人被自殺呢?

世界第一民主聖地美國竟然被如此摧殘。大家跟住要睇實,例如有冇選擇性執法,言論審查,控制參眾兩院既民主黨會行乜政策,跟住有冇貪污甚至做市。因為短期股市升幅唔代表個市場健康。如果以上既基本因素有改變,其實係令到大家既投資變得唔安全。所以要密切睇住美國個大趨勢。

人對公義既追求應該大於金錢物質,希望香港人美國人終有一日一齊走出黑暗。