2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

短炒心態 – 2020年9月15日

stocks

投資其實一向都應該睇長線,短炒好難賺到大錢。之前科技股大跌前,有朋友全部科技股沽晒,跟住見科技股跌就好開心。

價錢平貴當然對投資有影響,但係問題在於有價值既野就算暫時偏貴,公司都一定會慢慢追翻上去。相反,無前途既公司,平貴都應該盡快賣出。

朋友沽晒科技股後,開心唔夠一個星期,全部又升翻。跟住佢又開始心大心細應該幾時買返。

其實短炒浪費左時間睇實個市,自己又加多左無謂壓力,仲要好多時timing捉唔準分分鐘賣晒啲好野又要高價買返。得不償失。

所以我主力投資,多數買前做好功課,覺得無問題就一路買。有啲似供樓,每個月定額。平就買多啲,貴就買少啲。除非公司有跟本性轉變,如果唔係就一股不賣。如果連功課都唔想做,淨係定額每月買ARK,QQQ,SPY/VOO都已經好好。