下一站德意志銀行？ – 2023年3月25日

德意志銀行同渣打又有人放風出事，係真係假又難估，但一般人會信係有事多啲。

瑞信AT1債券直接清零，反而股東仲可以分少少瑞銀股票。以上「救市」後果只得一個就係其他銀行債繼續被拋售。一有風出，個個都擁去攞錢走。所以以上「救市」有啲似救左瑞信不過放塊蕉皮比市場同其他銀行。

之前將大部份錢轉去美國政府長債暫時睇絕對正確。一來風頭火勢時保命。另外多幾間銀行唔掂，啲錢只會走去美國政府債券。聯儲局減息機會大增。依家口硬話仲要加息，再爆多幾間銀行未又係得一招，減息放水救市。到時長債會升到你唔信。

全世界最壞情況係美國國債都爆。咁同世界末日分別唔大。希望有生之年冇機會見到。