Disney神話破滅 – 2023年8月12日

Disney之前換左CEO攪STREAMING，點知攪左一獲屎。最近搵返舊CEO出山，不過要將一獲屎既粥變返正常食得既粥似乎有啲難度。

好耐以前有投資過Disney不過後來賣晒。20年前Disney都係一間幾穩陣賺錢既公司。但慢慢成間公間除左賺錢，其他初心忘記得一乾二淨。乜嘢都政治第一，向強權擦鞋，道德淪亡。但因為如此作風，飲人血既錢始終賺唔長。到COVID遊樂園停晒，再大洒金錢追streaming。本來比心機做都唔一定冇得做。但內容差，淨靠ESPN同細路仔點都追唔返投資出去既錢。

最近業績又表演財技，又唔計花紅支出，又唔計減值，做到盤數好似OK。但細心睇，其實樣樣都跌緊。遊樂園重開大加價，直接打擊遊客。Streaming燒錢話希望2024年尾打和，但訂閱人數跌緊，又話加價，再打擊共享，節目版權都跌緊，全世界經濟麻麻，通脹又高，唔好話Disney，我唸Netflix都好多人想Cut。2024年賺錢既希望都幾不切實際。

但都冇所謂，繼續裁員，CEO繼續出花紅。吹定話想賣盤。市場放風仲話APPLE有興趣。講真除左APPLE冇乜人有咁多CASH買市值1670億既Disney。不過Apple都應該唔係傻仔，明知你死硬，不如等你跌多70-80%先執平貨。