Doge coin再爆發 – 2021年4月15日

自從上篇講完Doge coin後，之後浮浮沉沉左兩個月，終於黎料。

加密貨幣超高風險，買賣前覺得輸晒都冇所謂先好買。我就0.07左右入。講過好多次，要係股票或樓市或加密貨幣贏大錢，唯一方法係有耐性。每次買一樣野前我都問自己，萬一買左之後跌一半會唔會賣，如果答案係會，我就寧願唔買。另一條問自己既問題係如果一年內升一倍賣唔賣，如果一年升一倍就賣其實唔算係最好既投資。最好既投資係一年升十倍你都唔想賣。所以耐性係跟住想買資產既質素同信心。

睇返我買doge coin既時間係岩，後來跌到0.04冇加注都岩，升到依家0.13冇打算賣都岩。但有一樣野錯，就係注碼買得太細，雖然風險極大，但其實買多十倍輸晒都冇所謂。不過加密貨幣成日都大上大落，可能下個星期又落返0.04 ，who knows，不過我應該0.07-0.1之間會加注，如果仲未一下直上到火星。