美國被下調評級 – 2023年8月2日

美國被Fitch下調信用評級。

如果另外兩間評級機構都下調美國信用評級，咁會對債價有影響。唔單止美國國債，美國公司債都有影響。借貸成本會上升，會係負面影響。

但我個人覺得3間評級機構一齊下調美國信用評級機會唔係好大。就算真係發生。過一段時間應該都會調升返。

最大風險係債價下跌對銀行既資產影響，有機會令實力不足既銀行爆煲。

至於機會係，當借貸成本上升，銀行又爆煲，通脹一路跌，咁聯儲局仲有咩藉口唔減息呢？不過咁既環境下一定要保守啲，唔好借貸，但都唔應該自亂陣腳賣晒啲優質資產。