2021 年 9 月 17 日

美股投資頻道

#投資 #美股 #債券 #REITs #期權 #物業 #優先股

科技股玩火 – 2021年1月11日

explode

最近幾日成班科技公司好似傻咗,高調封殺言論自由。雖然幾隻加埋個market cap已經大過好多國家既GDP。用戶數加埋仲多過強國人口。但係咁出位做言論封殺,其實係玩得太大。

全個silicon valley最乞人憎既公司一定要數FB。出賣用戶資料,睇晒你既野,再不停引導啲廣告俾你。唔知邊度黎好多印度既觀眾,再叫廣告商賣廣告。同Cambridge analytic做誤導性內容改變投票結果。直到最近FB自己做埋政府份工,制定政策邊啲人block邊啲人唔block。WhatsApp 直送FB,迫人跳船去signal。Social media其實唔應該亦冇權力制定政策,極限係有危險言論時報告政府等政府決定做唔做野,唔使自己做埋豬西主席。

再跟住Twitter,同FB衰既野差唔多,以前仲係open既platform。但一旦鬍鬚ceo見自己有鬚就當自己係上帝。乜嘢岩乜野唔岩都出晒字幕。跟住隨意停戶口。又隨意減你既追隨者。Short上腦。

蘋果又唔使講,一路最配合亞爺。出國旗emoji又唔得,app又驚亞爺唔鍾意又下架。唔係啩,真金白銀成皮野買部I窿你係度下下左block又block,咁買部大米算啦。今次第一時間又想封Parler。驚死行得慢冇豬肉分。真係窮得只淨返錢。

到Google,Amazon,都由低調變高調追殺言論自由。

淨返Microsoft,Tesla,Netflix係最醒目。唔想自己既政治立場影響生意。一如以往低調。高手。

上面咁多間政治投機既公司,賭贏左冇乜著數。但萬一賭輸左,分分鐘輸獲金。雖然未必即刻要還,但你一路做言論審查,封app,乜野都收亞爺order,就算依家冇事,但其實憎你既人越嚟越多,絕對唔係好事。唔會有人因為你收order做野而幫襯你,只會因為咁而轉用其他產品。

長線應該要減持政治愚昧嘅公司,無論金錢上或道德上都應該咁做。