2021 年 9 月 19 日

美股投資頻道

#投資 #美股 #債券 #REITs #期權 #物業 #優先股

BNO LOTR必備技能 – 2020年11月4日

uk

香港人個個都大把錢,賣左層樓應該有好多人有幾百萬。係英國係有幾百萬算係好有錢。所以BNO唔使擔心冇錢。反而有啲技能幾必須。

如果你唔係住係大城市,我覺得識揸車一定係其中最緊要既技能。例如一家四口,返功返學,加埋一日20-30鎊車費好平常。揸車油錢都係每公升1.1鎊。泊車都好多免費。比搭巴士平。係英國唔易考車牌,如果已經有香港牌,記得帶黎英國convert返做英國牌。當然其實短途uber都幾方便。

第二樣技能就係煮飯。依家疫情好多地方唔開,就算開返出街食都要10鎊起。同埋冇乜好野食。為咗自己既精神,肉體同荷包著想,煮飯都幾必須。反而超市買餸係幾平。

第三樣就係家居維修。租屋應該煩少好多野。但我間管理公司超差,成日都拖唔整野。等等下迫住食自己。少至換燈泡,換電製,大至漏水,通渠等等。搵人睇睇都100鎊起,同埋唔知等幾耐。自己識攪方便好多。

反而住英國唔使英文好叻。大約明同溝通到就得。講嘢有禮貌啲,禮讓啲,做起事都方便啲。英國鄰居都係會social。見到笑下,say hi,其實英國人大部分都好nice。

咁快又住左兩個幾月。