2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

聯儲局買垃圾債 – 2020年5月5日

Crash

美國聯邦儲備局救市決心好大。講明買垃圾債券同ETF。

聯儲局買垃圾債其實幫左好多就死既公司融資救命。這些公司值唔值得救見人見智。因為係用美國納稅人既錢救管理不善既公司。仲有唔少公司臨破產但繼續出花紅俾高層。就算有左融資呢D公司唔大機會做得好返,不過可以頂多幾年唔破產。

至於投資者可以睇下有乜公司仲有手頭現金,但債唔係太重既可繼續持有。有聯儲局睇住,續新債容易左。風險低左,好多債價升左60-70%。但我自己唸法係襯有人頂住個市就好走,因為始終人為力量唔係乜都可以做到。特別係零售,航空,遊輪,油公司既債券。

至於如果有人問揸美金好唔好?我既答案係唔係咁好,不過短期冇乜更好選擇。我自己都係一路減低槓桿。因為做好晒防風措施,就算大風暴都冇咁傷,依家真係唔應該搵命搏。