法國見聞 (1)- 2022年1月28日

大市跌，脹面都跌得勁，不過優質股唔賣。賺錢都係為享受或做自己想做既事，唔係搵錢做乜，繼續專心放假滑雪。

十年前去過巴黎出trip做野，順便玩左一個weekend。當時印象係好多舊樓，或者叫古董好聽啲。

同法國同事食餐飯三個鐘。實際一日做野事間都係3，4個鐘，其中80%時間開會，傾完又改改完再傾。好似玩行為藝術。當時成日食高級法國餐唔覺特別好食。

今次朋友約係英國揸十幾個鐘車去法國3 valley滑雪。唔使自己揸梗係去啦，哈哈。到左法國第一日停Reims。搵野食要緊。見到附近有間高分印度咖哩buffet，冇乜expectations飽肚就得。點知第一啖入口差啲喊左出黎，係英國食嘢只可以冇要求，黎到法國第一餐就食左人生中最好食既咖哩。好食到難以形容。係英國餓左年幾，可以係法國食餐咁正既當然開心晒。最後食左5碟，每人唔使30歐元，勁抵。

第二日繼續揸車去亞爾卑斯山，途中係里昂附近有個小鎮，唸住停車搵食。一望全部鋪同餐廳都冇開。但望落去真係好似好左日本，第一次發現法國同日本咁似。無論建築，文化，細緻度都極似。最後發現原來星期日大部分地方都唔開。去左唯一仲開門既kfc醫肚，一樣好食過英國kfc十倍。法國係一個真正食野民族。

再唸返之前係愛爾蘭住，見到法國人整個早餐都半個鐘，好似五星級酒店出品。前後呼應。

第日肚餓想食餐好真係要去法國。