sea

GameStop大戰 – 2021年2月26日

同好朋友傾開GameStop 戰役,有人唔知仲乜跟炒,又有對沖基金盲毛唔知頭唔知路亂咁沽空,不過對於大部分人黎講,最緊要唔好誤中流彈。

首先你做散戶又好,對沖基金又好,最緊要知道自己做緊乜。問題係好多人唔知自己做緊乜又或者明知好大風險都照做。

成件事既原因簡單講係有人見到明明得100股股票,但有人沽到150股,仲要一路short call options。咁有人睇通左就上網叫人買,結果由$2升到$483。跟住部分證券行唔比人買,最後跌到$40。不過今日又升到$200。

假設如果公司同散戶都揸住唔放90股,街只有10股,對沖基比每日比利息,而且由於沽空價低,依家要買貨平倉一來冇咁多街貨,二來有貨要平倉都輸死。所以對沖基金唯有壓價減低損失。仲未計期權,因為倉位大,槓桿比例大,損失重大。

而要令期權減低損失就係壓價到期日, 黎緊26號,3月,4月仲有大把short call既option同期同到價,例如基金short sell一個$100既call,佢就要係市場不問價買返100股比人。可以想像如果大量期權到價又冇貨交,就變左大班人一齊去搶已經所餘無幾既街貨。基金被炸到慘過核爆。

當然基金都會盡力散播壞消息,又會比壓力政府同證券行做野,盡力壓低股價。另一方面,其實應該會同大股東傾,睇吓有冇方法收購,再發新股攪返掂件事。

不過最後無論散戶定基金贏,呢單野大家都要小心。因為爆起上黎唔知有幾大連鎖反應。基金應該有做financing,借錢比佢哋既機構都有機會出事,然後可能火燒連環船。當然要睇最後條數幾大,GameStop股價升得越高,火燒連環船風險越大,大家都要做好防風措施。


已發佈

分類:

作者:

標籤:

留言

發佈留言