2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

GBTC簡易投資Bitcoin – 2020年7月27日

digital currency

Bitcoin我會當佢係交易既媒體,當人信佢收佢既時候就有價值,當人唔信佢唔收佢既時候就冇價值。

Bitcoin可以點用呢?從避險各度睇。係一個正常既經濟體,例如美國,美國人可以隨意用美元交易,而且美元有政府保證,所以從避險既角度下,唔使用Bitcoin。但係世界有啲地區係唔可以用美元交易,而且本國貨幣唔流通,有外匯管制或者其他政策上既限制。例如委內瑞拉,佢俾美國制裁,唔可以用美元,咁從好實際方面考慮,委內瑞拉人要出去使錢,如果佢哋唔容易接到美金,咁如果佢地有另一樣代替品隨時幫佢哋可以轉換成美金,咁佢哋就可以避開晒政府既限制。

另一方面係供應。美金需要有美國政府保證。但佢哋大量印美金,令到美金供應大增。變相令美金長線有貶值壓力。至於Bitcoin係固定供應,所以冇左呢個問題。

容易儲存,運輸。黃金雖然世界都認可,供應又唔係好似美金任印。但係有錢佬揸住一百幾十億黃金,唔係咁易。係屋企要整金庫,搬屋或移民要運金超煩。紙黃金又驚銀行出事。Bitcoin一部電話就儲到,用到。你有幾百億都冇人知。冇晒儲存同運送等問題。

以上係Bitcoin既好處。我覺得概念上,世界係需要類似一啲Bitcoin既野。但係唔係Bitcoin?我唔知。總之係大部分人都信既野。除左信任之外。Bitcoin都有機會將來俾Quantum computer破解。所以都要睇將來既發展。

至於依家想好簡單直接買既人,可以買GBTC。NAV $9.16,現價$10.38,有13.3% premium。當然經coinbase買賣平啲。