GEO債券選擇權 – 2022年8月9日

GEO來來回回買賣過幾次，通常七十尾入，九十頭放，幾次都賺錢，之前記得都有讀者問過2026年到期既債。

我自己揸2024年到期既，平均價80左右。最近公司提出可以2023同2024年債換2028債。債息加到10.5。

差唔多所有2023，2024，2026年債價都升，如果擔心債價，可以8月16日換債前賣出手頭債券。

換債有3個選擇，唔換，現金加新債，全換新債。如果冇信心應該依家要賣，因為換債後流通量低，除非揸到到期。不過今次換債後，揸到到期攞返100蚊機會大增。因為債遠左，短期爆煲風險極低。

另一選擇全換新債，我80蚊買，新債一年收10.5。都有13%。當然去到2028年風險係高左。但減債步伐順利，過1-2年收息後債價都可以高過100。就算減債唔太順利，短期爆煲風險低左都係好事。我自己會全換2028年新債，再睇1-2年之後發展。

當然亦可選一啲現金，一啲換新債。