2021 年 9 月 19 日

美股投資頻道

#投資 #美股 #債券 #REITs #期權 #物業 #優先股

炒獲金?- 2020年8月11日

同朋友傾計,佢見金價升得咁勁,問我點睇?呢條問題唔係咁易答。

首先,黃金係稀有金屬,限量供應,當世界唔穩定,貨幣大上大落,會有一大堆人買金保值。當危機過後,啲錢從黃金流出,買返股票,債券或物業。

短期睇,世界真係好危險,今年去左一半多啲,但差唔多人類近百年最大獲既野都出晒嚟。仲有一樣未出,雖然大家都唔想出,但星期五11人完,琴日又11人,又肥佬泥又大眼妹,睇個勢真係最衰既野都離我哋不遠,希望真係唔會玩到世界末日。係咁既大環境下,再加全世界印銀紙,今年升左三十幾percent既金,再升多幾十percent又真係唔係好出奇。

至於長線,金冇利息,唔係經營生意,冇增長,純粹係供求決定價格。當所有衰嘢出晒黎,個價自然跌。而且HQC似乎可以救到肺炎患者。疫情影響應該會減低。再睇返NASDAQ同S&P 500既表現, 10年金升62%,S&P升197%,NASDAQ 升482%,所以長期我自己一定唔會揸金。短線要買既朋友最好買返啲有實金既ETF,例如GLD當停車場泊住啲錢先都冇乜問題,等萬一有大獲野發生,就可以吐現再買返QQQ或SPY。