Goodyear Tire & Rubber Company車胎股 – 2021年11月23日

係Facebook見啲最近移民既朋友，一係去英國，或者去加拿大同澳洲。共通點係人人都會買車，或者點都考左車牌先敢移民。

汽油車其實都幾複雜，好多野要買同維修。但無論汽油定電動車都一定要4條胎。

係外國揸車真係多長途，所有維修，同清潔都會多左。車胎係其中一樣。一般2-3年左右都一定要換。

換胎如果你有少少要求，4條4百鎊。另外，covid多左人work from home少左搭公共交通，反而多左揸車，車胎損耗又多左。

所以good year全力賣胎，生意越做越好，增長一個廿幾percent 。當然佢仲有賣其他產品。

最近又日吹夜吹通脹，原材料可能升一倍，由10鎊升到20鎊，但車胎只要加百分之15已經講緊由100鎊升到115鎊，又再賺多5鎊。當然呢個係好簡化既假設。但你見佢通脹下賺多左錢，代表貨物加價比原材料同其他成本加得更多。

股價都升得快。不過如果繼續通脹下加價。再過1-2年每股賺4蚊，依家股價廿十幾蚊仲有水位。