科技股業績期 – 2022年7月28日

科技股業績期，今日首先睇Google。

自從年頭跌浪開始，好多人對科技股失信心。好多概念性冇盈利既科技股跌9成以上。至於大型有盈利既科技股左跌足3成以上。踏入業績期，絕對要睇下有冇基本因素變化左。

科技股中，我比較中意Microsoft同Google。今日睇左Google先，營業額係美元強勢下都升13%真係冇乜投訴。主要令人失望既係YouTube連續兩季低增長。今季得5%增長。如果係舊年年尾分柝上市，應該個價會好好。依家利息上升，增長減慢，要變返強勁增長同高估值一啲都唔易，要等幾年時間。以上淨係講YouTube。其他部門，如主力Search engine係好。Cloud都唔算差。所以總括除左YouTube差，其他部分唔算差。

當利潤冇增長，今年市盈率23左右。當然個人睇雖然YouTube做得唔好，但正常盈利都會增長。只係世界大亂，所以預算都保守啲。我平均買入價120左右。所以唔會再增持住，但亦唔會賣。