2021 年 9 月 17 日

美股投資頻道

#投資 #美股 #債券 #REITs #期權 #物業 #優先股

加注Ark ETF – 2021年2月22日

money

上星期科技股有2,3日調整,跟住香港KOL出片又叫人清倉,又話Bitcoin賺左50%再係Tesla輸左部Benz。咁講股同財演7叔話$1000止賺,$800止蝕未一樣,全部亂吹,除左呃收視真係冇乜嘢幫到觀眾。

我就襯Ark罕有連續幾日跌幾個百分點分段每日加注。5隻都加。加完其實都未夠,再short左啲put迫自己如果再跌再加注。當然Ark大部分投資股票營利好少甚至蝕緊錢既公司,但係你要明佢買緊乜先夠膽一路加注。唔係賺少少走,蝕少少止蝕,咁永遠賺唔到大錢。

當然,其實Ark依家係明星,佢哋一買細價股,成村人跟機,即刻炒貴晒。但係萬一跌市,有人大手沽出Ark,佢哋要賣貨攞錢時會唔會人踩人又做成股災呢?跟住Cathie講左佢哋好清晰既策略,就係佢哋手頭上有一堆大價股用黎泊錢。大價股升值潛力比較低但吐現容易。萬一有股災,佢地會沽大價股當ATM,再睇機會增持有更大潛力既細價股。其實佢既做法同我都差唔多,我都keep住bonds同一啲大價穩陣股,當機會來臨,就沽bonds買股。冇機會就繼續bonds收息,股票進攻。

投資真係唔係睇一頭半個月,最少都睇2-3年。大趨勢容易睇,每日價位上落係YouTube 同你講估得幾準都係亂噏。希望讀者唔好咁容易同財演學壞手勢同心態。