2021 年 9 月 19 日

美股投資頻道

#投資 #美股 #債券 #REITs #期權 #物業 #優先股

港英優勢 – 2020年10月15日

uk

英國製造業比起日本同德國唔係特別強,但你見好多傢俬,電器,特別係舊款,設計好注重耐用,唔靚,但係可靠實用。

至於香港人係英國有乜優勢同強項,最明顯係快手,勤力同埋變通。英國好多野都慢幾拍。你俾咗錢叫人做野要三崔四請。電郵,電話樣樣齊都唔一定搵到人幫手。好似租屋,要搵管理公司維修有問題既地方,等左三星期,都係做左三份一。

迫於無奈下,唯有食自己。好似煮食爐,四個爐頭得二個用到。最後自己睇YouTube,自己攪返掂。仲有好多其他生活細節,好多時真係YouTube 係最快幫到你既地方。

所以香港人有心係英國發圍又真係唔難。只要肯做肯搏,真係贏到尾燈都見唔到。當然做得好,搵到錢都係勁重稅,變左做黎有時無乜謂。咁亦解釋到點解稅越輕既地方,經濟好多時都走得快。最明顯趨勢係日本,美國,兩度都係大方向減稅。至於點解美國比日本好,因為三權分立,參眾兩院再加行政互相監督,點都比較代表到國家利益。日本完本奧運會幾好,不過攪唔成,個關又十年都唔開,要復蘇真係冇咁快。

英國經濟唔係特別好,又脫歐,如果香港人黎到英國幫手投資返英國,咁對大家都好。投資者有穩定收入,亦可減低疫情對英國既影響。當然前提係開英國公司,係英國搵錢英國使錢,咁可以減低稅項既影響。