回流香港變熱門話題 – 2023年4月23日

自從亞珍話要回流香港,成個網絡都熱烈討論回流問題。

其實過去幾十年，香港出現過幾次大既移民潮，每次間幾年都有大既回流潮。

人既流動本身就正常不過，其實就唔使大驚小怪。每個人嘅處境都唔同，所需要嘅嘢都唔同，喺唔同嘅地方都有唔同嘅問題又有唔同嘅機會。要走，要留低或者要返返轉頭都係個人嘅選擇。

只不過通常成熟啲嘅人就唔會咁容易改變佢哋嘅決定。因為做每個決定之前應該都有經過深思熟慮。就算做咗決定之後同當初諗嘅嘢有分別都應該用一啲時間去嘗試克服或者改變。我諗故事嘅主人翁主係三個月後就改變決定會令人覺得佢冇盡過努力去面對一啲佢應該要面對嘅問題。

新環境有新挑戰，對於一啲有能力嘅人其實每次嘅挑戰都係一啲機會。有機會令到佢改變改變得更好。

當然亦有一啲例子就係經過一段長時間體會到一啲唔同地方嘅生活發現其實有一啲地方先係最適合自己嘅，咁咪返轉頭或者去其他地方都唔係一個錯嘅選擇。

至於香港，我覺得同之前幾次移民潮或回流潮係有啲唔同因為係一啲根本性質上嘅分別唔同之前幾次主要係信心問題。當然最後大家都希望見到一個好嘅結局。