Money

點揀投資市場,IB美股投資 – 2019年12月28日

今日想講下點搵有前景既股票投資市場。最首先睇市場先,全世界最大既交易市場係美國,英國,香港同中國。

英國已經積弱左好多年,人口老化,脫歐,稅重,短線同中線(5-7年)都唔睇好。香港同中國,香港多做市,上市監管差,多政治任務,偏向同中國接軌。依家竹貿易戰,中國響世界聲譽越黎越差,製造業人工太貴,科技創新主力仲係抄,貪污受賄普遍,脹目混亂。簡單直接講,除非香港同中國有重大改變,如果唔係唔使考慮。

最後,美國。美國係一個好成熟既市場,監管制度完善,市場交易量大,全世界主要企業都在美國上市,行業選擇多,交易簡單及成本低,資訊流通,美元係世界貨幣,交易品種多樣化,企業稅率下降明顯,科技,金融,醫療,製造業,物流,軍事,零售,農業等龍頭。所以美國係依家同中長線最有前景同安全既投資市場。下次講IB美股投資


已發佈

分類:

作者:

標籤:

留言

在〈點揀投資市場,IB美股投資 – 2019年12月28日〉中有 2 則留言

  1. […] 另外,我都留意緊有乜公司個supply chain冇俾肺炎影響,但佢既competitors被肺炎影響得嚴重既(例如生產線或部件在中國的)。長遠供應減少,價格上升,市佔上升,利潤上升。好似大家見口罩被人炒,switch被人炒,生活上好多野供應有問題。賣貴左,啲錢去左邊,有冇公司冇被肺炎影響一路有貨出,一路越賣越多越賣越貴?當然之前講過,如果你既股票有好重中國生產或市場,應該減持怎至全部賣出。下次再分享多啲。 […]

  2. […] 以前我都講過點解我清晒所有香港同大陸股。香港有無限老千股,10合1,100合1,賤賣資產,天價注資,騙徒手法層出不窮。有時會唸交咁多稅用黎成立證監,又商業罪案調查科,又ICAC,點解小投資者仲好似要打埋佢地份工去查去估間公司有冇古惑。當然唔係間間公司都係咁差。但係香港監管咁鬆,作為小投資者好多時都係硬食。至於大陸股就講個「信」字,你信零確診,你信保5,你信內銀仲有增長百分之五,你信壞脹百分之一,最後仲夠膽瞓身買話收幾個巴仙息好開心用黎退休,我會覺得你未交夠學費,祝你好運。有懷疑時,我會先假設一隻股票有問題,賺少一次錢好過輸一鋪勁既。 […]

發佈留言