IB借錢!!!6倍到無限投資槓桿組合!!! – 2020年1月17日

上次好簡單講左揀股票。之後會詳細啲講。今日講其中一個廿幾年投資生涯既重點「借錢」。IB借錢!!!6倍到無限投資槓桿組合!!!

好多時一個投資成功定唔成功，一開始時已經大約決定左。或者咁講，開始前好既準備會令你輸錢既機會減到最低，只係你唔知賺多定少。借入平錢，賺多過你借錢比既利息就係你賺既部份。借錢再直接加大槓桿，令你回報再放大（當然揀錯左就輸錢都放大）。

用迪士尼例子。股價$145美金一股，一年股息$1.76。保守計當一年升$10。一年回報11.76/145 = 8.1%。如果你有十萬美金開IB PRO戶口（冇就利息貴啲），Disney 可以借6倍。即係自己俾$24，借$121。借錢一年利息要比3.04%，即係$3.67一年。一年回報當同之前一樣（11.76-3.67)/24 = 33.7%。比唔借錢既情況賺多4倍。當然借6倍如果跌市你又冇錢係會俾人斬倉。當然你可以唔借美金，改借歐元或日元，借錢利息再平，但有可能匯率上賺多啲或蝕多啲。但如果你有歐元或日元資產或收入就可對沖。以上就係最簡單用IB借錢既方法。

再講可唔可以連$24都唔出，借埋返黎？絕對可以。例如加按自己層樓，加按父母層樓，tax loan, student loan, 自己開公司借錢, MPF…借錢其實係一門藝術，識得玩可以千變萬化。如果連$24都借埋返黎，其實你已經做到無本生利。香港人均收入都係2-3萬。你有個IB戶口有七十萬（自己又好，借又好)，再響IB借錢買夠400萬貨，唔使做都有2萬一個月。

記住記住記住前提係揀岩股票，同埋如非必要唔使IB借錢6倍咁盡。如果真係用IB借錢借6足倍或者本都唔出，請繼續留意講高息股，優先股，REITs同埋債券。高槓桿，低風險。另外，除左槓桿之外，以後會講其他增加回報方法。