點用IB期權策略刀仔鋸大樹 -2020年3月24日

係度等緊股票幾時見底反彈既時候，有好多唔同策略，今次講IB期權策略係其中一個方法。

之前講過分注買入既方法，個壞處係如果大家唔係好多彈藥或揀錯股票會輸得好金。今次講點用期權用低風險搏反彈。

首先，等一日大跌市，最好跌1500或2000點。揀一啲波覆冇咁大既股票，因為波覆大既股票，期權金會好貴。另外要揀熱門同交投大既股票。同埋揀比肺炎影響比較細同已經跌好多既股票。千祈千祈千祈唔好買Carnival Corp(NYSE:CCL)。

符合以上條件既可以揀之前講過既BTI或者T。揀有3-4星期，行使價比現價高10%左右。如果有20%反彈，可以賺5倍以上。當然依家個市個spread好大，唔使急，慢慢排。當然，掉轉買跌都得，揀買PE高，重債，俾肺炎影響好勁既公司，等一日升左1500-2000點就買搏跌。另外Short put風險係你要有咁多錢接貨，short call好大機會錯過反彈(如果你有貨，或被挾死如果你冇貨）。