致每一位為正義犧牲的勇士 – 2021年7月3日

聽日係美國獨立日,又令人唸起美國獨立時連場血戰,死傷無數,世界每個要求獨立既地方絕大部份都經歷被壓迫,被歧視,被殘殺,之後用和平方法唔可以獨立時,最後被迫武力反抗繼而獨立。美國人獨立前深受痛苦,所以令佢哋對世界上既不公不義唔會坐視不理。

睇返80年前歐洲以至全世界都被德國納粹同軸心國玩殘。盟軍開始都處於下風。直至攻入羅馬前,係南部搶灘成功佔領基地先可以一路贏落去。面對火力強弱懸殊,美軍進軍受阻。直到中仕Sylvester Antolak決定自己帶頭衝去德軍既機關槍陣,中左三槍,三次都起返身繼續跑,右手碎晒,用左手夾住步槍成功佔領機關槍陣,令全小隊以至美軍士氣大振,最後佔領羅馬再解放歐洲。

有時一個人既力量都有關鍵性影響。雖然世界有好多不公義,暴政。但有第一個英雄帶領人反抗,用佢自己既生命去幫其他人擋子彈,講俾大家聽世界上仲有好多為正義戰鬥既人,只要一齊努力,未來係可以改變既。

藉此機會向世界每一位英雄致敬,世界既未來係靠每個人都多行幾步,勇敢捍衛普世價值。


已發佈

分類:

作者:

標籤:

留言

發佈留言