2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

最昂貴的一課 – 2020年11月20日

mid age crisis

自從4年前開始大量投資美股,越嚟越得心應手。始終美股睇公司基本因素多,只要肯做工課點都有收成。

而投資既同時,我亦好留意一直發掘自己投資上既缺點。其中一樣係注碼控制得唔準。有時比較冇咁實在既公司落注重左。相反,好有實力既公司落注輕左。呢樣野一路我都提醒自己,不過好似煮飯咁,煮得多就得。當然亦可以整個注碼方程式提醒下自己。出面既broker幫你做rebalancing都唔錯,幫你一路控制portfolio既百分比。

不過,自己投資上最不足既地方係太早賣出股票。好多時買左好有潛力嘅股票。見佢升左1,2倍就放晒。其實咁係大錯特錯。好既股票就算短時間升好多,但更應該睇佢長線潛力最多去到邊。例如淨係Apple因為太早放,賺少左2千萬。加埋其他股票,如果冇賣,身家應該多4-5倍。所以依家買股票變左儲股票。只要好既股票,有潛力就一路買。貴就買少啲,平就買多啲。但係唔會賣。除非公司基本運作或外來環境有好大改變。如果唔係就唔會賣。