2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

投資概念分享 – 2019年12月22日

Sea

歡迎大家來到投資頻道。第一篇文章首先簡單自我介紹。小弟投資大約20年,回報超過1000倍。開頭15年最賺錢的是香港地產投資,到近10年開始日本物業投資。股票方面,頭15年主力香港股票,總結輸錢。香港期權玩了幾年都賺少少。幾年前開始美國股票,期權,債券,新加坡REITs,百分比賺得最多。這頻道主要分享投資經驗,希望讀者可以一齊分享,互相學習。

回歸投資基本步。投資其實好似種緊可以幫你生錢既樹,只要多時間小心營運,好多時都可以帶來理想回報。

在我20年的投資經驗裡面,最重要既概念有幾個:

  1. 投資是要揀有前景同紀錄良好既對像。無論係樓,股票,REITs都係。債券有少少唔同,以後既分享會詳細講。
  2. 投資要有適當槓桿。例如你得一棵樹種錢,如果有人借錢比你買多棵樹,而棵樹種出黎既錢多過你問人借既錢就係好既槓桿。
  3. 分散風險。如果有得揀,10棵賺1蚊既樹好過1棵賺10蚊既樹,就算被蟲蛀都唔會10棵一齊死晒。
  4. 長線投資。如果你有一棵好賺錢既樹,冇乜必要為賺多少少賣左棵樹。除非,棵樹有問題,或者賣左可以買一棵仲賺得多既樹。
  5. 再投資。在投資初期,當你棵樹賺到錢,你應該用這些錢再多買棵樹。直到一日你個樹林已經大過你對錢既需要,咁可以再決定錢用去咩地方。
  6. 投資賺錢不是令你唔使做,係令你有時間做你想做同有意義既事情。如果一日到黑都無所事事,就算有錢又同條鹹魚有咩分別呢。

以上是我覺得最重要的6條。以後會在頻道繼續詳細講。另外一些重要,但唔係最重要既概念都會詳細講。

第一次希望大家俾多啲意見同留言。如有需要亦可以直接email我。我目標一個星期最少出1-2篇文。以後會多啲實戰,個案分析,再加補充。多謝大家。